Firo maanaaji Aaya 38 Simoore Simoore Huud - Eggo e haala Fulfulde wonande deftere Firo Alkur'aana raɓɓinaango. - Mawsuuwa al-quraan tedduɗo oo

Aaya: 38

وَيَصۡنَعُ ٱلۡفُلۡكَ وَكُلَّمَا مَرَّ عَلَيۡهِ مَلَأٞ مِّن قَوۡمِهِۦ سَخِرُواْ مِنۡهُۚ قَالَ إِن تَسۡخَرُواْ مِنَّا فَإِنَّا نَسۡخَرُ مِنكُمۡ كَمَا تَسۡخَرُونَ

Nuuhu waɗi yamiroore Joomi mun, o woni e lesugol laana kan. Tuma kala nde dental hoorewal yimɓe makko ɓen rewi ɗon, ɓe jalkita mo ko o lesirta laana kan ka leydi ndi alah ndiyam e canɗi. Nde jalkitugol ngol filli-fillini, o maaki: Ko onon yo dental hooreeɓe, si on jalkitii men ka men lesata kaa laana ɗoo, menen kadi men jalkitoyay on majjere mon nden tuma nde yooloyteɗon.

Ina jeyaa e nafoore aayeeje ɗee e ngol hello:

• بيان عادة المشركين في الاستهزاء والسخرية بالأنبياء وأتباعهم.

Aayeeje ɗen hino ɓanngini jikku sirkooɓe ɓen ka jalkitugol Annabaaɓe ɓen e jokkuɓe ɓen.

• بيان سُنَّة الله في الناس وهي أن أكثرهم لا يؤمنون.

Hiɗe ɓanngini kadi sunna Alla on e yimɓe ɓen, wonnde ɗuuɗuɓe e maɓɓe gomɗintaa.

• لا ملجأ من الله إلا إليه، ولا عاصم من أمره إلا هو سبحانه.

Baggoral alaa ka Alla si wanaa ka Makko, daɗndoowo fiyaaku Makko kadi alah si wonah Kanko Seniiɗo On.