Mənaların tərcüməsi Surə Ğafir - Qurani Kərimin müxtəsər tərfsiri - kitabının Fulani dilinə tərcüməsi. - Səhifənin rəqəmi 470 - Qurani Kərim ensiklopediyası

Ayə: 26

وَقَالَ فِرۡعَوۡنُ ذَرُونِيٓ أَقۡتُلۡ مُوسَىٰ وَلۡيَدۡعُ رَبَّهُۥٓۖ إِنِّيٓ أَخَافُ أَن يُبَدِّلَ دِينَكُمۡ أَوۡ أَن يُظۡهِرَ فِي ٱلۡأَرۡضِ ٱلۡفَسَادَ

Fir'awana wi'i: Accee mi wara Muusaa, fii yaggingol mo, e no o noddira Joomi makko, fii haɗugol lam ɗum. Min mi haajaaka e ɗum. Mi hulu wata o waylu diina mon kan, maa o feññina bonnere ka leydi, woni warugol e bonnital.

Ayə: 27

وَقَالَ مُوسَىٰٓ إِنِّي عُذۡتُ بِرَبِّي وَرَبِّكُم مِّن كُلِّ مُتَكَبِّرٖ لَّا يُؤۡمِنُ بِيَوۡمِ ٱلۡحِسَابِ

Nde Fir'awna gaynunoo kammbude, Annabai Muusaa maakani mo: Mi moolorii daɗndiragol Jeyɗo lam On, jeyi on, e bone mawnintinaniiɗo goonga e gomɗinal, mo gomɗinaa Ñalnde Darngal, e hasboore e lepte ko woni ton.

Ayə: 28

وَقَالَ رَجُلٞ مُّؤۡمِنٞ مِّنۡ ءَالِ فِرۡعَوۡنَ يَكۡتُمُ إِيمَٰنَهُۥٓ أَتَقۡتُلُونَ رَجُلًا أَن يَقُولَ رَبِّيَ ٱللَّهُ وَقَدۡ جَآءَكُم بِٱلۡبَيِّنَٰتِ مِن رَّبِّكُمۡۖ وَإِن يَكُ كَٰذِبٗا فَعَلَيۡهِ كَذِبُهُۥۖ وَإِن يَكُ صَادِقٗا يُصِبۡكُم بَعۡضُ ٱلَّذِي يَعِدُكُمۡۖ إِنَّ ٱللَّهَ لَا يَهۡدِي مَنۡ هُوَ مُسۡرِفٞ كَذَّابٞ

Gorko goo, gomɗinɗo Allah, jeyaaɗo e yimɓe fir'awna ɓen, suuɗunooɗo yimɓe mun, gomɗinal makko ngal, saliiɗo fellitgol maɓɓe warugol Muusa ngol, o wi'i: E on waray gorko mo bonnaa, si wanaa fii o wi'i: Ko Allah woni Joomi am? Hara le o addanii on hujjaaji e ɓannganduyeeji, sembinayɗi goonga makko kan, wiide ko O nulaaɗo Joomi makko? Si tawii ko o fenuɗo, haray lorra fenaande makko nden, ko e makko yantata; si tawii non ko goonguɗo, haray yoga e ko o kammbirani on kon e lepte aduna ɗen, heɓay on. Pellet, Allah fewanataa e goonga, on tawɗo no yawti keeri Allah ɗin, fefindii fenaande, baki e Makko, Kanko e Nulaaɓe Makko ɓen.

Ayə: 29

يَٰقَوۡمِ لَكُمُ ٱلۡمُلۡكُ ٱلۡيَوۡمَ ظَٰهِرِينَ فِي ٱلۡأَرۡضِ فَمَن يَنصُرُنَا مِنۢ بَأۡسِ ٱللَّهِ إِن جَآءَنَاۚ قَالَ فِرۡعَوۡنُ مَآ أُرِيكُمۡ إِلَّا مَآ أَرَىٰ وَمَآ أَهۡدِيكُمۡ إِلَّا سَبِيلَ ٱلرَّشَادِ

Ko onon yo yimɓe am, laamu no woodani on hanndi, hiɗon fooli e leydi Misra ndin. Kono ko hommbo daɗndata en, e lepte Allah ɗen, si ɗe arii e men, tuma waruɗen Muusaa? Fir'awna wi'i: Ko feere am nde mi ñaawi nden, jokketee. Mi yi'ii feere warugol Muusaa, fii haɗugol bone e bonnere. Mi tinndintaa on, si wanaa sawaaba.

Ayə: 30

وَقَالَ ٱلَّذِيٓ ءَامَنَ يَٰقَوۡمِ إِنِّيٓ أَخَافُ عَلَيۡكُم مِّثۡلَ يَوۡمِ ٱلۡأَحۡزَابِ

Gomɗinɗo on laaɓani reedu, o wi'itani yimɓe makko ɓen: min on miɗo hulani on - si tawii on arii Muusaa e hoore tooñe e jaggitere - lepte, sugu lepte yimɓe feddeeji ɓen, haɓunooɓe Nulaaɓe mun adinooɓe, Allah halki ɓe.

Ayə: 31

مِثۡلَ دَأۡبِ قَوۡمِ نُوحٖ وَعَادٖ وَثَمُودَ وَٱلَّذِينَ مِنۢ بَعۡدِهِمۡۚ وَمَا ٱللَّهُ يُرِيدُ ظُلۡمٗا لِّلۡعِبَادِ

Wano mbowka yeddaynooɓe fenna Nulaaɓe ɓen, sugu yimɓe Nuuhu ɓen, e Aadi'en, e Samuuda'en, e arunooɓe ɓaawo maɓɓe ɓen. Allah halkirno ɓe, yeddugol maɓɓe fenna Nulaaɓe ɓen. Allah non faandanaaki jeyaaɓe ɓen, tooñe. Ko junuubi maɓɓe, O leptirta ɓe, njoɓdi hawrondindi e golle maɓɓe ɗen.

Ayə: 32

وَيَٰقَوۡمِ إِنِّيٓ أَخَافُ عَلَيۡكُمۡ يَوۡمَ ٱلتَّنَادِ

Ko onon yo yimɓe am, min miɗo hulani on, Ñalnde Darngal: nden Ñalaande, nde yimɓe ɓen noddindiroyta, sabu ɓadandiral maa jaahu, sikkugol ɓe ɗum nafay nden Ñalnde hulɓiniinde.

Ayə: 33

يَوۡمَ تُوَلُّونَ مُدۡبِرِينَ مَا لَكُم مِّنَ ٱللَّهِ مِنۡ عَاصِمٖۗ وَمَن يُضۡلِلِ ٱللَّهُ فَمَا لَهُۥ مِنۡ هَادٖ

Ñalnde huccitiroyton, dugugol, sabu kulol Yiite ngen, hara daɗndoowo on e lepte Allah ɗen, alanaa on nden Ñalnde. Kala mo Allah hoyfii fii mun, O ɗawi mo gomɗingol, haray fewoowo mo alaa. Tawde ko Allah tun fewnata.

Bu səhifədə olan ayələrdən faydalar:

• لجوء المؤمن إلى ربه ليحميه من كيد أعدائه.

Gomɗinɗo ko e Joomi mun tuuginorta, daɗndugol mo pewje ayɓe makko.

• جواز كتم الإيمان للمصلحة الراجحة أو لدرء المفسدة.

Hino dagoo suuɗugol gomɗinal mun, fii nafoore wellitunde, maa duñugol bone.

• تقديم النصح للناس من صفات أهل الإيمان.

Laaɓangol yimɓe ɓen reedu, ko jeyaaɗum e jikkuuji muumini'en.