Mənaların tərcüməsi Surə Ali-İmran - Çərkəz dilinə tərcümə -

Алэ Гьимран

Ayə: 1

الٓمٓ

Ӏэлиф, лам, мим.^[1]

[1] Мы хьэрыфхэр зэпыудауэ къэкIуахэщ ипэкIэ Ал-Бэкъэрэм къызэрыкIуатэм хуэдэу. Мыбыхэм къагъэлъагъуэу аращ хьэрыпхэм зэрахуэмылъэкIынур мы КъурIэным хуэдэ зэхалъхьэну, ар мис мы хьэрыф сурэр зэрыщIидзэм хуэдэкIэ зэхэгъэува щхьэкIэ, абыхэмкIэ я псалъэхэр зэхэгъыува щхьэкIи.

Ayə: 2

ٱللَّهُ لَآ إِلَٰهَ إِلَّا هُوَ ٱلۡحَيُّ ٱلۡقَيُّومُ

Алыхьыращ, Абы нэгъуэщI Тхьэ щыIэкъым, Псэущ, псори зэтезыIыгъэщ.

Ayə: 3

نَزَّلَ عَلَيۡكَ ٱلۡكِتَٰبَ بِٱلۡحَقِّ مُصَدِّقٗا لِّمَا بَيۡنَ يَدَيۡهِ وَأَنزَلَ ٱلتَّوۡرَىٰةَ وَٱلۡإِنجِيلَ

Тхылъыр къыпхуригъэхащ ипэжыпIэкIэ, абы ипэкIэ щыIар къигъэпэжу, Тэуратымрэ Инджылымри къригъэхащ

Ayə: 4

مِن قَبۡلُ هُدٗى لِّلنَّاسِ وَأَنزَلَ ٱلۡفُرۡقَانَۗ إِنَّ ٱلَّذِينَ كَفَرُواْ بِـَٔايَٰتِ ٱللَّهِ لَهُمۡ عَذَابٞ شَدِيدٞۗ وَٱللَّهُ عَزِيزٞ ذُو ٱنتِقَامٍ

ипэкIэ цIыхухэр гъуэгу захуэм хуишэну, Фуркъанри къригъэхащ. Джаурхэу Алыхьым и нэщэнэхэр зи фIэщ мыхъуахэм, хьэзаб гуащIэр яхуэфащэщ, Алыхьыр Лъэщщ, яхуэфащэр языгъэгъуэтщ.

Ayə: 5

إِنَّ ٱللَّهَ لَا يَخۡفَىٰ عَلَيۡهِ شَيۡءٞ فِي ٱلۡأَرۡضِ وَلَا فِي ٱلسَّمَآءِ

Алыхьым зыри щыущэхуа хъукъым щIылъэми уафэхэми.

Ayə: 6

هُوَ ٱلَّذِي يُصَوِّرُكُمۡ فِي ٱلۡأَرۡحَامِ كَيۡفَ يَشَآءُۚ لَآ إِلَٰهَ إِلَّا هُوَ ٱلۡعَزِيزُ ٱلۡحَكِيمُ

Аращ фыкъэзыгъэхъур лъхуалъэм и кIуэцI, Езыр зэрыхуейм хуэдэу, Абы нэгъуэщI Тхьэ щыIэкъым, Лъэщщ, Iущщ.

Ayə: 7

هُوَ ٱلَّذِيٓ أَنزَلَ عَلَيۡكَ ٱلۡكِتَٰبَ مِنۡهُ ءَايَٰتٞ مُّحۡكَمَٰتٌ هُنَّ أُمُّ ٱلۡكِتَٰبِ وَأُخَرُ مُتَشَٰبِهَٰتٞۖ فَأَمَّا ٱلَّذِينَ فِي قُلُوبِهِمۡ زَيۡغٞ فَيَتَّبِعُونَ مَا تَشَٰبَهَ مِنۡهُ ٱبۡتِغَآءَ ٱلۡفِتۡنَةِ وَٱبۡتِغَآءَ تَأۡوِيلِهِۦۖ وَمَا يَعۡلَمُ تَأۡوِيلَهُۥٓ إِلَّا ٱللَّهُۗ وَٱلرَّٰسِخُونَ فِي ٱلۡعِلۡمِ يَقُولُونَ ءَامَنَّا بِهِۦ كُلّٞ مِّنۡ عِندِ رَبِّنَاۗ وَمَا يَذَّكَّرُ إِلَّآ أُوْلُواْ ٱلۡأَلۡبَٰبِ

Абы къыпхуригъэхащ Тхылъыр, Iэят нахуэхэр иту, Тхылъым и купщIэр аращ. НэгъуэщIхэри гурыIэгъуейуэ къыригъэхащ. Ауэ зигу щыуэхэр гурыIэгъуейхэм итыращ зи ужь иувэхэр, зэгурымIуэныгъэ ящIыну хуейуэ, икIи ар зэрыхуейуэ и мыхьэнэр кърахын щхьэкIэ. Ауэ абы и мыхьэнэр зыми ищIэкъым, Алыхьымрэ щIэныгъэ зиIэхэмрэ мыхъумэ. Абыхэм жаIэр: "Ди фIэщ хъуащ ар, псори ди Тхьэм и деж къикIащ". ИкIи акъыл зиIэ закъуэхэращ зи гум къэкIыжыр.

Ayə: 8

رَبَّنَا لَا تُزِغۡ قُلُوبَنَا بَعۡدَ إِذۡ هَدَيۡتَنَا وَهَبۡ لَنَا مِن لَّدُنكَ رَحۡمَةًۚ إِنَّكَ أَنتَ ٱلۡوَهَّابُ

Уэ, ди Тхьэ, дигухэр томыху гъуэгу захуэм дытебгъэува иужь, икIи Уэ уи дежкIэ къикIауэ гущIэгъуныгъэ къытхуэщI, Уэращ Тыгъэ зыщIыр.

Ayə: 9

رَبَّنَآ إِنَّكَ جَامِعُ ٱلنَّاسِ لِيَوۡمٖ لَّا رَيۡبَ فِيهِۚ إِنَّ ٱللَّهَ لَا يُخۡلِفُ ٱلۡمِيعَادَ

Уэ, ди Тхьэ, Уэращ цIыхухэр зэхуэзышэсынур шэч зыхэмылъ махуэм, Алыхьым псалъэу итам текIкъым.