Mənaların tərcüməsi Surə əl-İnfitar - Qurani Kərimin müxtəsər tərfsiri - kitabının Azərbaycan dilinə tərcüməsi. - Səhifənin rəqəmi 587 - Qurani Kərim ensiklopediyası

əl-İnfitar

Surənin məqsədlərindən:

تحذير الإنسان من الاغترار ونسيان يوم القيامة.

İnsanı (şeytanın vəsvəsəsinə uyub) aldanmasından və Qiyamət gününün qopacağını unutmasından çəkindirmək.

---

Ayə: 1

إِذَا ٱلسَّمَآءُ ٱنفَطَرَتۡ

Mələklərin nazil olması üçün göy parçalanacağı zaman,

Ayə: 2

وَإِذَا ٱلۡكَوَاكِبُ ٱنتَثَرَتۡ

Ulduzlar səpələnmiş halda düşəcəyi zaman,

Ayə: 3

وَإِذَا ٱلۡبِحَارُ فُجِّرَتۡ

Dənizlər daşıb bir-birinə qarışacağı zaman,

Ayə: 4

وَإِذَا ٱلۡقُبُورُ بُعۡثِرَتۡ

Qəbirlərdəki ölülərin dirilib çıxması üçün o qəbirlərin altı üstünə çevriləcəyi zaman,

Ayə: 5

عَلِمَتۡ نَفۡسٞ مَّا قَدَّمَتۡ وَأَخَّرَتۡ

O gün hər kəs (dünyada) nə əməllər etdiyini, nələri də sonraya saxlayıb etmədiyini biləcəkdir.

Ayə: 6

يَٰٓأَيُّهَا ٱلۡإِنسَٰنُ مَا غَرَّكَ بِرَبِّكَ ٱلۡكَرِيمِ

Ey Rəbbinə küfr edən insan! Sənə möhlət verib günahlarına görə səni dərhal cəzalandırmamaqla sənə qarşı səxavət göstərən Rəbbinin əmrinə müxalif olamağa səni vadar edən nədir?!

Ayə: 7

ٱلَّذِي خَلَقَكَ فَسَوَّىٰكَ فَعَدَلَكَ

O Rəbbin ki, səni heç nədən yaratmış və əzalarını yerli yerində edib sənə kamil surət vermişdir.

Ayə: 8

فِيٓ أَيِّ صُورَةٖ مَّا شَآءَ رَكَّبَكَ

Səni istədiyi surətdə xəlq etmişdir. O səni uzunqulaq, meymun, it və başqa bu kimi heyvan yaratmamaqla sənə nemət bəxş etmişdir.

Ayə: 9

كَلَّا بَلۡ تُكَذِّبُونَ بِٱلدِّينِ

Ey azmış kimsələr! bu iş heç də sizin düşündüyünüz kimi deyil. Əksinə, siz haqq-hesab gününü yalan sayır və o gün üçün hazırlıq görmürsünüz.

Ayə: 10

وَإِنَّ عَلَيۡكُمۡ لَحَٰفِظِينَ

Şübhəsiz ki, sizin üzərinizdə əməllərinizə nəzarət edən mələklər vardır.

Ayə: 11

كِرَامٗا كَٰتِبِينَ

Allah yanında hörmətli olan, əməllərinizi yazan mələklər.

Ayə: 12

يَعۡلَمُونَ مَا تَفۡعَلُونَ

Onlar sizin nə əməl etdiyinizi bilir və onu qeydə alırlar.

Ayə: 13

إِنَّ ٱلۡأَبۡرَارَ لَفِي نَعِيمٖ

Şübhəsiz ki, yaxşı əməl və itaət sahibləri qiyamət günü tükənməz nemətlər içində olacaqlar.

Ayə: 14

وَإِنَّ ٱلۡفُجَّارَ لَفِي جَحِيمٖ

Şübhəsiz ki, günahkarlar onları yandırıb-yaxan Cəhənnəm odunda olacaqlar.

Ayə: 15

يَصۡلَوۡنَهَا يَوۡمَ ٱلدِّينِ

Onlar ora haqq-hesab günü daxil olacaq və onun hərarətindən əzab çəkəcəklər.

Ayə: 16

وَمَا هُمۡ عَنۡهَا بِغَآئِبِينَ

Onlar heç vaxt ondan çıxa bilməyəcəklər, əksinə, orada əbədi olaraq qalacaqlar.

Ayə: 17

وَمَآ أَدۡرَىٰكَ مَا يَوۡمُ ٱلدِّينِ

Ey Peyğəmbər! Sən nə bilirsənki, din günü nədir?!

Ayə: 18

ثُمَّ مَآ أَدۡرَىٰكَ مَا يَوۡمُ ٱلدِّينِ

Sonra sən nə bilirsən ki, din günü nədir?!

Ayə: 19

يَوۡمَ لَا تَمۡلِكُ نَفۡسٞ لِّنَفۡسٖ شَيۡـٔٗاۖ وَٱلۡأَمۡرُ يَوۡمَئِذٖ لِّلَّهِ

O gün heç kəs heç kəsə fayda verə bilməyəcək. O gün hökm yalnız Allaha məxsus olacaq və O, istədiyini edəcək. Ondan başqa heç kəsin hökm verməyə ixtiyarı olmayacaqdır.

Bu səhifədə olan ayələrdən faydalar:

• التحذير من الغرور المانع من اتباع الحق.

Haqqa boyun əyməyə mane olan qürurdan çəkindirmək.

• الجشع من الأخلاق الذميمة في التجار ولا يسلم منه إلا من يخاف الله.

Tamahkarlıq tacirlərə aid olan xoşagəlməz xislətlərdəndir. Yalnız Allahdan qorxan kimsələr bu xislətdən xilas ola bilərlər.

• تذكر هول القيامة من أعظم الروادع عن المعصية.

Qiyamət gününün dəhşətini xatırlamaq, asilikdən çəkindirən ən böyük amillərdəndir.