Translation of the Meanings Surah Al-A‘lā - Azerbaijani translation - Alikhan Musayev - Encyclopedia of the Noble Quran

əl-Əla

Verse: 1

سَبِّحِ ٱسۡمَ رَبِّكَ ٱلۡأَعۡلَى

Ən Uca Rəbbinin adını təsbih et!

Verse: 2

ٱلَّذِي خَلَقَ فَسَوَّىٰ

O Rəbbin ki, (hər şeyi) yaratdı və kamilləşdirdi.

Verse: 3

وَٱلَّذِي قَدَّرَ فَهَدَىٰ

O Rəbbin ki, (hər şeyin müqəddəratını əzəldən) müəyyən etdi və yol göstərdi.

Verse: 4

وَٱلَّذِيٓ أَخۡرَجَ ٱلۡمَرۡعَىٰ

O Rəbbin ki, otlağı çıxartdı.

Verse: 5

فَجَعَلَهُۥ غُثَآءً أَحۡوَىٰ

Sonra da onu (çürüyüb) qaralmış samana çevirdi.

Verse: 6

سَنُقۡرِئُكَ فَلَا تَنسَىٰٓ

(Ey Peyğəmbər!) Biz sənə (Quranı) oxudacağıq və sən (onu) unutmayacaqsan.

Verse: 7

إِلَّا مَا شَآءَ ٱللَّهُۚ إِنَّهُۥ يَعۡلَمُ ٱلۡجَهۡرَ وَمَا يَخۡفَىٰ

Yalnız Allahın istədiyindən başqa. Şübhəsiz ki, O, aşkarı da, gizlini də bilir.

Verse: 8

وَنُيَسِّرُكَ لِلۡيُسۡرَىٰ

Biz səni ən asan olana (Cənnətə aparan əməllərə) müvəffəq edəcəyik.

Verse: 9

فَذَكِّرۡ إِن نَّفَعَتِ ٱلذِّكۡرَىٰ

(Ey Peyğəmbər!) Xatırlatmaq fayda versə, xatırlat!

Verse: 10

سَيَذَّكَّرُ مَن يَخۡشَىٰ

(Allahdan) qorxan öyüd-nəsihət götürəcəkdir.

Verse: 11

وَيَتَجَنَّبُهَا ٱلۡأَشۡقَى

Ən bədbəxt (kafir kimsə) isə ondan (öyüd-nəsihətdən) qaçacaqdır.

Verse: 12

ٱلَّذِي يَصۡلَى ٱلنَّارَ ٱلۡكُبۡرَىٰ

O kimsə ki, ən böyük alova (Cəhənnəm alovuna) atılacaqdır.

Verse: 13

ثُمَّ لَا يَمُوتُ فِيهَا وَلَا يَحۡيَىٰ

Sonra orada nə öləcək, nə də yaşaya biləcək.

Verse: 14

قَدۡ أَفۡلَحَ مَن تَزَكَّىٰ

(Günahlardan) təmizlənən kimsə isə uğur qazanmışdır.

Verse: 15

وَذَكَرَ ٱسۡمَ رَبِّهِۦ فَصَلَّىٰ

O kimsə ki, Rəbbinin adını xatırlayıb namaz qılmışdır.

Verse: 16

بَلۡ تُؤۡثِرُونَ ٱلۡحَيَوٰةَ ٱلدُّنۡيَا

Xeyr, siz dünya həyatını üstün tutursunuz.

Verse: 17

وَٱلۡأٓخِرَةُ خَيۡرٞ وَأَبۡقَىٰٓ

Axirət isə daha xeyirli və daha davamlıdır.

Verse: 18

إِنَّ هَٰذَا لَفِي ٱلصُّحُفِ ٱلۡأُولَىٰ

Həqiqətən də, bu (anlatılanlar), əvvəlki səhifələrdə də vardır –

Verse: 19

صُحُفِ إِبۡرَٰهِيمَ وَمُوسَىٰ

İbrahimin və Musanın səhifələrində.